CASTELLA

I.

CASTELLA

Illustrissimae Familiae nomen, quae ex Ducibus Franconiae sive Franciae Orientalis, in Germania, deduci amat: primusque in ea Marquardus, hinc Rodulphi Comitis Rotenburgensis, illinc Hetani ultimi Franconiae Ducis ex filia Irmina nepos, Comitis de Castel nomen assumpsisse, atque A. C. 828. fatis concessisse legitur. Inde non mterruptâ serie illi Comites ac Domini stirpem suam dignis coniugiis propagârunt: ramis quidem aliquoties divisis, sed divisione numquam in plures gradus protensâ. Nunc in duabus lineis consistit tota genus, Remligensi et Rudenhausia, quas Wolfgangus et Godofridus, Georgii, sub finem superioris saeculi defuncti, filii, coeperunt. Et quidem priores quod attinet, Georgiô et Sophiâ Limburgiâ natus Wolfgangus, exstinctus A. C. 1631. ex Iuliana Hohenlocia, suscepit Wolfgangum Georgium; ex Sophia Iuliana Hohenloica, patrem Georgii Ludovici (nati A. C. 1638. denati 1639.) Iulianae Dorotheae (natae 1640. uxoris Henr. Friderici Comitis Hohenloici) Wolfgangi Theodori (nati 1641) Friderici Magni (nati 1646.) Eberhardi Friderici (nati A. C. 1653.) aliorumque. Vide praefatum Spenerum Tom. 2. p. 109. Godofridus vero praedictus, pater fuit, ex Anna Limpurgia, Georgii Friderici, exstincti A. C. 1653. quô, et Annâ Luisâ Limpurgiâ, geniti, Philippus Godofredus (A. C. 1641. cui uxor obtigit Anna Sibylla Florentina Comes Silvarum et Rheni) Ludovicus (A. C. 1642.) Hehr. Albertus (A. C. 1643.) Eberhardus (A. C. 1650.) Ioh. Fridericus (natus A. C. 1651. eôdemque denatus) praeter aliquot filias, omnes Comites de Castel in Rudenhausen. Vide Eundem Theatr. Nobil. Europ. Tomô 3.

II.

CASTELLA

regnum Hispaniae amplissimum, divisum in Veterem Castellam, quae versus Septentrionem, cuius caput Burgi Archiepiscopal. et Novam, versus Meridiem, seu regnum Toletanum, cuius primar. alias Toletum, nunc Madritum. Habet Castella a Seprentrione Asturias et Biscaiam; ab Ortu regna Navarrae, Aragoniae, Valentiae, Murciae; a Meridie Andaluziam; ab Occasu Estremaduram et regnum Legionis. Primo COmites habuit, quibus Alhaca Saracenorum Rex non pauca ademit, A. C. 961. usque ad Garciam, cui Nunna soror successit, uxor Sanctii Navarrae Regis, a quo Regnum esse iussa est: quod Ferdinandus II. Rex Legion. suo iunxit, A. C. 1217. Cum Arragoniae regno unita Castella est, A. C. 1474. sub Ferdinando et isabella. Hodie sub Regibus Hispanicis ex Familia Austriaca. Merula Cosmogr. Ortelius, Atlas M. Boterus Relat. Hist. Mariana, etc. In huius collimitio Ordonius, trucidatis LXX. Milib. Saracenorum, Almanzorem in fugam coniecit, A. C. 916. Mariana, Vasaeus, etc.

Urbes Castellae veteris:

Albula, Avila. Calaguris, Calahora. Calciata, la Calzada, seu S. Domingo de la Calzada. Burgi, Burgos. Oxoma, Osma et Borgo d'Osma. Segovia. Vallisoletum, Valladolid. Novae. Calatrava. Civitas Regia, Ciudad Real. Complutum, Alcala de Henares. Conca, Cuenca. Madritum. Seguntia, Siguenza. Toletum, Toledo.